Shillong, May 8: Re·anggipa April jani 22 tariko, Pahalgam-o bobil dolrangni chadrapanio sak 26 songrebagiparangko so·otanina, jakbikpilskaani gita, Pakistan aro Pakistan-rangni sekdragimin Kashmir-o donggipa bobil dolrangni ma·chakenggipa biaprangko “Operation Sindoor”-ni bimungo aircraft-rangchi nisigalahanina, India-ni Srinagar, Jammu, Amritsar, Pathankot aro Bhuj-ko man·chape chu·gimik dam 15 songjinmarangko Pakistan-rang drone aro missile-rangchi chadrapna jotton ka·aniko India a·song champengataha. Iana aganchakani gita, bristibar pringo India a·song, Lahore-ni Pakistan Air Defence System-ko nisigalskaaha inenba India-ni Ministry of Defence parakataha.
India a·song, Air Defence system-ko jakkalenba chadrapaniko champengatani gisepon, drone aro missile-rangni dongrikgimin bakrangko man·a jamano ian Pakistan-rangni kam ong·a ine u·ina gita man·aha. Pakistan-rang Line of Control (LoC) ba sima ari-ni biaprang jekai Kupwara, Uri, Koonch, Mendhar, Baramulla aro Rajouri ingipa biaprango bilakbegipa silchidarerangchi goanichi me·chikrang aro bi·sarangko man·chape chu·gimik sak 16 ramram manderang so·otako man·aha. India a·song bang·bata chadrapanirangko champengna gita kimkim ong·e aganchakaniko dakataha.
Uamang so·sojengjeng ong·anirangko bariatna sikjagenchim ong·oba, ka·o nangatanirangko daka ong·ode aganchakanikode on·gen ine Indian Defence Ministry u·iatangaha.
Na·simang ia video-koba nina man·gen:
Na·simang iakoba poraina man·gen: NST-o ka•enggipa project-rangko CM nianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
