Shillong, Jan 15: Congress dolni skotong ong•e dilenggipa Vincent H Pala, Bharatiya Janata Party (BJP) dolni politics baksa toromko brina gita apsan dake Voice of People Party (VPP)-ba politics-o toromko brinenga ine matnangataha.

Ia gitalgipa political party, uamangni campaign ka•ani somoio toromko jakkalchapenga aro iandake dakaniara politics-ni a•bao kenchakani dongenga, jekai Pakistan, Hamas aro Seria-oba toromko politics baksa brinaha aro jemangan toromko politics baksa brina uamang chu•sokgipa ong•rongja ine Pala, February 21 tariko ong•atnasienggipa Jaintia Hills Autonomous District Council (JHADC)-ni election-o susagni sak 18 candidate-rangni bimungko parakani somoio kobor ra•timgiparangna aganaha.

Jean uamangni campaign ka•anio bak ra•gen, uamangde giljao sastro skiako knatima gita daknikgen aro iara maikai politics-o indake ong•na man•a? Meghalaya a•doko Christian-rang baksa gipin toromrang jekai, Hindu-rangba gnang, indake ong•genchimode maikai politics-o toromko brina man•skagen ineba ua sing•doataha.

Unbaksana, VPP dolni ja•rikenggipa kamrangara BJP dolni kamrang baksa apsan ong•a, uamang manderangko ma•ekatna gita torom aro reservation policy-ko jakkalenga ineba Pala matnangataha.

Politics baksa toromko brinaniko dontongchina janapengon, uamangni politics kal•aniko a•dokni manderangba u•ina a•bachengtokengaha ine Congress dolni skotong ong•e dilenggipa Pala janapataha.

Na·simang ia video-koba nina man·gen:

Na·simang iakoba poraina man·gen: A·chik chadambe saksa YSCL-o kal·na seokako man·a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub