Guwahati, July 11: West Bengal a·doko panchayat eleksinko ong·atani somoio kajia-golmalrang ong·ani gimin janggitangna kene katbagipa sak 133 manderang Assam-ni Dhubri district-o katnape dongna bi·aniko Assam-ni skotong minister Pa Himanta Biswa Sarma, Mongolbar salo u·iatangaha.
Assam a·dokona katnapna uamangni bi·aniko skotong minister uni Twitter-o seatenba, sak 133 manderangko uamang relief camp-o nokchakaha aro cha·ani-ringani bosturang aro sana-banani cholrangkoba uamangna on·e dakchakaha ine parakataha.
Re·anggipa Sonibar salo, West Bengal a·doko dingtang dingtang dolrang golmalrangko ka·e ballot paper-rangko nostorang ka·an baksa ballot box-rangko ra·e katani obostarang ong·ani gisepon, a·doko Panchayat Election-ko ong·atangaha aro ia obosta ong·anichi saksa political worker-ko man·chape sak 20 mang manderangni janggi gimana gita nangahachim.
Eleksino nangchape TMC aro Congress dolgnigni worker-rangni gisepo Murshidabad a·jani Radhunathganj-o kajia-golmal ong·anio bilongbee saknaako man·gipa TMC-ni worker Maidul Sheikh-ba NRS Medical College and Hospital-o Sombar salo janggi galaha.
Indake ong·engon, West Bengal a·dokni dam 19 a·jarango donggipa ge 700 polling station-rango, Sombar salo gital dake panchayat eleksinna pu·onataniko dakangaha.
Iakoba poraie nina man·gen: M’laya-o bijoliko bariatna gita sorkari, NTPC baksa MoU-o soi ka·a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
