Delhi, Dec 13: 2001 bilsio Parliament Houseko chadrapaoni tiktak bilsi 22 gapahaon, ia sal tiktakon Lok Sabhao sakgni manderang napdrae namgija dakna jotton ka·taiaha.

West Bengalni MP, Khagen Murmu Lok Sabhao aganengmitingo sakgni manderang napbae Lok Sabha dringo katjengjengna a·bachengahani gimin Lok Sabhao tom·aniko dontonge MPrang ong·katbildangna a·bachengaha.

Jacket tangsim gane napdrabagipa mandeko MPrang aro Parliamentko chel·chakgiparang dolrang rim·na manaha.

Ong·katbagipa MPrangni aganani gitade, napdragipa manderang maiba dakgipa balwako nokningo watpretna a·bachengaha. Congress MP Karti Chidambaramni aganani gitade, sakgni manderang jemangan bilsi 20mangni ong·toka sil temaoni wal·ku dake rimit rimit ong·katgipa balwako watna a·bachengaha. Uamang maikoba maikoba minge chrikaha, aro saksa Speakerni donggipachipak rikangengachim.

“Ua wal·ku dake ong·katgipa balwa bisi gnanggipa ong·enggenchim. 2001 bilsini December 13 tariko Parliamentko chadrapaha. Apsan salon da•alba indake ong·ania chel·chakanio namjabee olgrokani ong·a,” ine Karti Chidambaram aganaha.

Iakoba poraie nina man·gen: Mega Ex-servicemen Rally-ko Tura-o ong•ata