Shillong, April 13: Re•baenggipa May jani 10 tariko ong•atna sienggipa Sohiong Assembly election-na skang, People’s Democratic Front (PDF)-ni MLA sakgni, National People’s Party (NPP) baksa bakrimnaba gnang.
Iani bidingo PDF-ni working president aro Mawkynrew-ni MLA Banteidor Lyngdoh-o sing•sandiaton, jangbingbangenggipa kattarangko ua jegaljaha indiba somoi sokahaon uamang iani bidingo chanchirimgen ine parakatskaaha.
Lyngdoh-ni parakatani gitade, PDF-ni MLA sakgnian NPP baksa bakrimna agangrikanirang donga indiba somoi sokahaosa uamang iani bidingo parakatna sienga.
Da•o dipet Assembly-o PDF-ni MLA sakgni donga aro uamangara Banteidor Lyngdoh baksana PDF-ni president aro Sohra-ni MLA Gavin M Mylliem ong•engachim.
Indake ong•engon, Hill State People’s Democratic Party (HSPDP)-ni MLA sakgni, chong•motan Mawthadraishan constituency-ni MLA Shakliar Warjri aro Mawshynrut MLA Methodius Dkhar-de, NPP baksa bakrimna sienga ine jangbingbanganiko raken jegalatskaaha.
