Shillong, Mar 1: Mongolbar salo Meghalaya Cabinet, Food Grains/SK Oil Public Distribution System (PDS) Control Order 2022-ko ra•chakangaha aro uandaken PDS-o sorkari wholesaler-rangni term-ko bilsi 2 aro Fair Price Shop dealer-rangni term-ko bilsi 3-ona bariataha.
PDS wholesaler aro FPS dealer-rang, an•tangtangni licence-rangko taritaitaina nanganichi neng•nikanirangko man•jana gita sorkari uamangni term-ko ra•doataha.
Ia apsan salon, a•dokni Cabinet, Meghalaya State Consumer Protection (Salary, Allowances & Condition of Service of President & Members of the State & District Commission) Rules 2022 aro Meghalaya Directorate of Sainik Welfare and Zila Sainik Welfare (Army, Navy & Air Force) Service Rules, 2020-koba ra•chakange, Meghalaya Legislative Assembly-ona bill dake ra•angna gita Contingency Fund of Meghalaya (Amendment) Ordinance, 2022 baksana Meghalaya Fiscal Responsibility Budget Management Act, 2006-koba ra•chakangaha.
