Nongpoh, Nov 18: Pekgipa ringanirangko Manipur a·dokoniko ra·angenga ine ning·joljol koborko man·ani ja·man Meghalaya Police, Sukrobar pringwal 5 bajimango Ri-Bhoi a·jani police station ning·ogipa Mawdaron Saiden-o bus bolsako dongdipate sandirikkitaniko dakani ja·man niam gri badingsrukatgipa gong kror 14 mangni gamchata pekgipa ringani bosturangko seka baksana sakgittam manderangko rim·aha ine koborko man·soaha.
Hope this will further ignite the performance of cops on the frontline.
Great teamwork. Kudos to @MeghalayaPolice & @lrbishnoiips
— Conrad Sangma (@SangmaConrad) November 18, 2022
Koborna u·iatani gitade, Manipur a·dokoni walo re·gipa bus MN 01 AA 0484 gario, Shillong-ona study tour-na re·bagipa sak 41 chatro-chatrirangba dongachim. Sandiatanio, bus-ni ki·sangoniko pekgipa bostuko name tepgipa sabon case ge 158 mangko nikaha, uandake pekgipa bosturangko niam gri salbagipa bus driver baksana garini conductor sakgittam Sadam Hussain, Iqbal Hussain aro Rashi Judin-maangko police officialrang rim·aha.
Indake ong·engon, bus gariko sekani ja·man Manipur-oni study tour-na re·baenggipa chatro-chatrirangko ge·gipin bus gario gadoate Shillong-ona salange doneaha.
Iandake niam gri pekatgipa bosturangko a·dokona ra·napbaaniko champengsona aro badingsrukanio jak donggiparangko rim·na gita Meghalaya police raken ja·kurangko de·na gita a·bachengataha.
