Guwahati, Nov 8: Budbar salo, Assam Police-ni Special Task Force (STF), KG 36 ong•gipa, ge 36 packet-ni opium-ko Assam-ona niamni a•palo badingbagipa sakbri manderangko Assam-ni Amingaon jolo rim•aha.
Indake ia rim•a man•gipa manderangara, bilsi 39 ong•gipa Safiqul Ali, bilsi 31 ong•gipa Mamtul Ali, bilsi 35 ong•gipa Raju Ajili aro bilsi 38 ong•gipa Ainul Haque ong•achim.
Koborrangko man•soani bakan, Kamrup Additional SP(HQ), Kalyan Kumar Pathak-ni dilanichi am•sandianiko dakna a•bachengaha. Indaken ia am•sandianio, pekatgipa bosturang baksa Bolero Pickup (As 01 QC 9956) registration no.gnanggipa gariko rim•na man•aha.
Police-rangni aganani gita, ia gario pekatgipa bosturangko Manipur a•dokoniko salnapbaengachim.
Indake, ia pekatgipa bosturangko uamang u•ina amgijagipa biaposa donnue ra•baachim ine sandie nianio nikna man•aha aro ua biapko ratprake nion 36KG ong•gipa ge 36 packet-ni opium-ko nikna man•aha ine Police kobor ra•timgiparangna aganataha.
Apsan daken batanggimin jaoba, ia STF dolrang, gong 5crore ong•gipa damni heroin-ko Assam-ni Karbi Anglong a•jaoniko rim•a man•aha aro iano dos gnanggipa sakgni manderangko rim•ahachim.
Iakoba poraie nina man·gen: JJM-ni ning•o M’laya Water Smart Kid campaign-ko CM a•bachengata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
