Nongpoh, March 27: Niam gita champengatgimin pekatgipa bosturangko niam gri badingsrukanio jak donggipa East Khasi Hills a·jaoni sakgittam manderangko mija Robibar salo rim·aha ine kobor on·aha.
Narcotic drug-rangko Assam-oniko Shillong-chipakna ra·dobaengani koborko man·sringani ja·man Byrnihat police rama tong·sao dongsoe am·sandianiko dakatenba, mija March 26 tarik attam 7 bajimango ML 05M 7648, Maruti Alto 800 car bolsaoniko seat ning·ao donnue ra·baenggipa pekgipa bosturangko sabon donchakani bakos ge 14 rangoniko man·aha.
Ia mamlao sakgittam manderangko police rim·aha, uamanga, Nongmynsong-oni Dilip Mawlong, Lad Nartiang-oni Bijay Thapa aro Umkdait Nongmynsong-oni Banshngain Kupar Khongdup ong·a. Rim·a man·gipa manderangoniko gram 140.37 ong·gipa pekgipa samrangko, ge·gittam mobile phone-rangko, tangka gong 4000, ID card-rangko aro ge·sa syringe-ko sekan baksa, garikoba sekaha.
Iakoba poraie nina man·gen: Meghalaya-o sak 150 specialist doctor-rang chu•ongjaenga
