Aizawl, March 27: Mizoram a•doko bading chiwale cha•gipa me•chik saksa Lalhlupuii Ralte, joltango man•gipa sam-bolrangko ripinge rakkianichi songni nokni me•chikrangko mangrakbatatna gita kamko ka•dilenga.

2018 bilsio ua, Mizoram a•doko man•gipa sam-bolrangko gamna ge•na, ma•manti bosturangko tarina aro pala sim•aniona ra•angna gita Zo Bio hub-ko a•bachengataha aro uni a•bachengatgipa ia company, ia sam-bolrangoniko to, sam-bijakrangoniko tarigipa cha aro ong•telaigipa nonga sitanirangko tarina songo noko game ge•e cha•gipa me•chikrangko jakkalaha.

Ralte-ni Zo Bio hub baksa kam ka•ani bakan una mingsing minggamaniko ra•baaha aro ua saksa samtangtango ong•telaigiparangko ripinganio chu•sokgipa bading chiwalgipaba ong•baaha.

Uni iandakgipa kamrangna uni Zo Bio hub company, 2019 bilsio ong•atanggipa North East India Fashion & Design Week-o Best Social Entreprise Award-ko man•aha.

Uni bading chiwalanichi Lalhlupuii Ralte da•o, songni nokni me•chikrangna janggi tangani cholrangkosan on•aigija Mizoram a•dokni samtangtango ong•telaigiparangko ripinganioba bang•en on•gilanirangko dakpaengaha.

Iakoba poraie nina man·gen: Meghalaya-o sak 150 specialist doctor-rang chu•ongjaenga