Boko, June 7: West Kamrup Forest Division-o, Bokasur ba Dhanjit Boro-chi dilenggipa bol cha·ugipa dolrangni, niamgri bol badingsruka baksana tangka cha·ani a·sel neng·nikanirangko man·enga. Jolo songdonggipa manderangni aganani gitade, forest official-rangni nikgija dake dongani a·sel bol badingsrukgiparang mamingnaba kengija segun bol, anggal aro gipin buringoniko man·gipa bosturangko sale ra·angenga.
U·atani gitade, re·anggipa antio, Assam police niamgri anggal salangenggipa Tata DI truck bolsako rim·enba, forest department-na pakwatatahachim, indiba rim·a man·gipa manderangni kosako mamingba ja·ku de·aniko dakjaha. Songni manderang, bol salgipa garirangko name nichengija re·angna on·anina forest staff-rangni kosako matnangataha.
Niamgri bol salangenggipa AS 25 CC 7369 registration number donggipa Tata DI truck bolsa, Bristibar walo sakgni motorcycle salgiparangko salpakna am·a ja·man ia obostani bidingo manderang u·ina a·bachengaha. Ja·mano, AS O1 BJ 3693 registration number donggipa gipok rongni Tata Safari, NH17-o donggipa Chokabaha Primary School sambao rama re·angenggipa sakgni manderangko salpakenba, Nabadeep Rabha aro Harimohan Rabha-ko saknaataha. Nabadeep Rabha ia obosta ong·a ja·man, Bokasur jekon Dhanjit Boro ineba u·itokachim, uni kosako FIR-ko segataha.
Forest official-rang an·tangtang niamgri bol salangenggipa garirangko dongdipateba mamingko dakjani a·sel, bol badingsrukgipa dolrang songni manderangko ka·mikkenatenba, garirangko ra·angpilaia ine Tarabari-Balijhar songni manderang matnangataha.
Divisional Forest Officer (DFO) Subodh Talukdar-ni kam ka·ani bidingo sing·anirangba nakataha, maina uni somoio niamgri bol badingsrukanirang bang·bataha ine songni manderang a·kangataha. Indake ong·engon, Bondapara-ni Range Officer Kulumonali Gogoi, ia ong·a obostani bidingo am·sandianirangko a·bachengataha ine koborrangko man·soengon, DFO Talukdar, dos dakgipa manderangni kosako niamni gita ja·ku de·aniko dakanggen ine ku·rachakaniko dakangskaaha.
Iandakgipa matnanganirang jolo songdonggipa manderangni gisiko jajrenganiko ra·baaha, maina uamang samtangtango donggipa sam-bolrangko naljokataniko ra·dona miksonganio official-rangni bol ge·aniko dakmiting aro World Environment Day-ko manimiting somoiosa re·barongachim.
Na·simang iakoba nina man·gen:
Na·simang iakoba poraina man·gen: A•doko cancer saanirang batrikrikenganina, awareness program-ko ong•atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
