Tura, June 7: Salgro salaram jolrangoni chadamberangko, India civil services-rango bak ra•anirangko baridapatna didianirangko on•na miksonge, ja•ku de•ani bak dake, Garo Students Union (GSU), North East Students Organisation (NESO) baksa nangrime, Tura-o ong•atna siengipa UPSC coaching program-na galgiparangko, seokna gita sukrobar salo interview-rangko ra•angaha.
Interview-ko tura-ni, Don Bosco College (Higher Secondary Section)- o, NESO-ni Assistant Secretary General Manseng A. Sangma-ni dongpaanio ong•atangaha. Uni dilanio GSU-rang, ia porgram-na galgiparangko, porrika ra•angaha.
Iako dakani miksonganiara, a•songna dangdike on•na sikgiparangna, Union Public Service Commission (UPSC) porrikarangko segiparangna chu•sokna, dakchakaniko on•na gita ong•a.
Salgro salaram jolrangni chadamberangna, public service and administration-ni a•bao dangdike on•na porrikarangko seanirango dakchakna cholrangko bikote on•anina aro pora skianirangko ra•ani a•bao baridapatanina, organisation-rangni gisik nange kam ka•anina, NESO-ni dilgipa de•mitelangaha.
Ia program-rangko ong•atani miksonganiara, chatro chatrirangna coaching-rangko on•na mangmangsan ong•aija indiba, salgro salram jolrangoni chadamberangko,
civil services-ni a•bao dangdike on•anirangko baririatna aro songadam nokadamrango songdongenggipa chadamberangna, jerangan a•songna dangdike on•na sikenba civil services porikkarangko sena tarisamsoenggipa rangna, nama coachingko ba name dilaniko man•ate dakchakaniko on•nagitaba ong•a.
Interview-rangko chu•soke ra•angna man•aniara, mikkangchi salgro salram jolrangoniko chu•gipa gadango dangdike on•giparangko aro dilgiparangko tarina ba bikotna ja•kurangko de•anio chu•sokenganiko mesokaha.
Tura, Don Bosco College (Higher Secondary Section)-ni ia program-ko on•chakatna biapko on•anina, organisation-rang, uamangko mitelangaha.
Na·simang iakoba nina man·gen:
Na·simang iakoba poraina man·gen: Margeritha-o bilsi 11-ni me·chik bi·sako kragija daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
