Shillong, Nov 6: Meghalaya a•doko drugs ba pekatgipa samrangko jakkalenggipa manderang batrorobaengon, samrangko jakkale neng•nikanirangko man•enggipa manderangna dakchakanirangko on•na gita Mawlai Town Dorbar (MTD)-ba Manbha Foundation baksa bakrimaniko on•angaha.

Pekatgipa samrangko jakkale neng•nikanirangko man•enggipa manderangna Mawlai Town Dorbar, Manbha Foundation baksa nangrime, Mawlai Mawkynroh Rehab Centre-o De-addiction aro Rehabilitation Program-ko a•bachengataha.

Mawlai jolrango drugs jakkalenggipa manderangni neng•nikanirangko ma•sie ra•enba, uamangna gital janggi tangani cholrangko on•na aro songsalo name janggi tangpiltaina cholko on•na miksonganio ia program-ko a•bachengataha.

Mawlai Town Dorbar aro Manbha Foundation-ni nangrime ia program-ko a•bachengatanichi da•o gimik sak 21 manderangko ia program-ni ning•o register ka•na man•aha aro uamangna agan-ku•pattie on•anirangko a•bachengna gitaba man•aha.

Ia program-ko a•bachengatani somoio Manbha Foundation-ni Dr Rika Lamar, East Khasi Hills a•jani SP (City) Vivek Syiem, NEHU-ni Vice Chancellor Prof PS Shukla, Mawlai-ni MDC Teibor Pathaw aro gipinrangba dongpae bak ra•angtokaha.

Iakoba poraie nina man·gen: Nagaland-ni Kenei Ritse Miss Northeast 2023-o chea

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub