Nongpoh, April 5: Pekgipa bosturangko badingsrukanio jak donggipa saksako Asam-ni Jorabat Police, Butbar salo rim·aha aro uoniko gong hajal 63,300 tangkarang baksana kg 21.6 mang ong·gipa pekgipa sam cannabis-koba man·aha.
Niamni kosako dakbegipa mandeko, Bihar-ni Vaishali district-ni Mukundpur Garahi-o donggipa bilsi 65 ong·gipa Bindeshwar Rai ine ma·sina gita man·aha jekon, Jorabat Police post-ni in-charge Kapil Pathak-ni dilanichi niam gri pekgipa bosturangko badingsrukgiparangni kosako am·sandianiko dakmiting somoio Jorabat police outpost-ni ning·ogipa Assam-chipakni 8 Mile joloniko rim·aha.
Uko rim·ani bidingo police-ni u·iatani gitade, ua mandeara Khanapara jolo aro Meghalaya-Assam sima jolo donggipa biaprango niam gita champengatgimin cannabis drug-rangko badingrongenggipa mandean ong·achim.
Ia mamlao, NDPS act-ni ning·o mokordomako segatangaha aro police-rang ua mandeo sing·sandianirangkoba dakatenga ine koborna u·iataha.
Iakoba poraie nina man·gen: Aman A·song Millet Festival-ko Tura-ni Hotel Polo Orchid-o manianga