Shillong, June 8: Petrol pump-rango petrol aro diesel-rangko chi brine palenga ine social media-rango matnanganiko Petroleum Dealers Association of Meghalaya (PDAM) jegalataha.

PDAM-ni vice president Mike Nampui-ni talataniko on•angani gitade, garirangoni wal•ku ong•kataniko komiatna gita ia bilsini February jaon ma•mongni Petroleum Ministry, dingtangmancha ethanol bringipa petrol aro diesel-rangko tarina a•bachengatahachim aro ia ethanol-ara gario sosianiko salopgipa ong•e, ethanol bringimin petrol-ko su•galkugijagipa garini tengkio chipgenchimode petrol-o chi ma•gapaniko bariatskaachim.

Ethanol bringipa petrol-rangni gimin ma•sie ra•china manderangko didiangengon, petrol-rango chi brine palenga ine matnanganiara kakket ong•ja ine PDAM-ni vice president parakataha.

Garirango petrol-ko runa skang, petrol-ko name nichengesa ra•china gitaba Nampui, manderangko didiataha.