Tura, May 4: Tura-ni Don Bosco School kal·chakramo ong·atanggipa ‘Play On’ Inter School Sports Meet, Sonibar salo matchotangaha aro ia kal·susaanio Tura Public School, ‘Best Overall School’-ni trophy-ko man·e chegipa ong·aha. Ia inter school sports meet-ni basketball aro football final-ode Don Bosco School chegipa ong·skaaha.
Ia inter school sports meet-ni bon·kamgipa salo, Sports & Youth Affairs-ni Director DD Shira, Don Bosco School-ni Principal Fr Threnius N Sangma, Sports & Youth Affairs-ni gitcham Deputy Director Jasper P Marak, Tura Public School-ni Principal Pranab Bhowmik aro gipinrangba dongpae bak ra·angtokaha.
Ia inter school sports meet-ni bon·kamgipa salo, basketball final, football final aro Esports championship-ko ong·atangaha.
Basketball-o me·chikrangni bon·kamgipa kal·susaaniko Tura Don Bosco Hr Secondary School aro St Mary’s HS School-ni gisepo kal·angenba, Don Bosco HS School 46-5 point-rangchi St Mary’s HS School-ko amchepataha. Uandaken me·asarangni basketball kal·susaanioba Tura Don Bosco HS School aro Montfort Centre for Education-ni gisepo kal·angskaenba, Tura Don Bosco HS School, 51-21 point-rangchi Montfort Centre-ko amchepatskaaha.
Football final kal·susaaniko Rongkhon Don Bosco HS School aro Tura Public School-ni gisepo kal·angskaaha aro ia kal·anio Rongkhon Don Bosco HS School, goal 3-0-chi Tura Public School-ko cheangaha.
Kal·susaanirang matchotani ja·man ia inter school sports meet-o ong·atanggipa dingtang dingtang kal·susaanirang, jekai 100m race, 400m race, relay race, long jump, high jump, Tug of War aro uandakgipa kal·susaanirango chegiparangna boksisrangko suale on·angaha.
Na·simang ia video-koba nina man·gen:
Na·simang iakoba poraina man·gen: Sorkari a·dok gimiko dam 50 skulrangna building grants-rangko on·a miksongenga : CM Conrad
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
