Guwahati, Dec 23: Sombar salo, bilsi 31 ong•gipa Ruplal Malo, Kamrup Metro a•jani Pobitora Wildlife Sanctuary a•palo donggipa Kordia sambao buringni matma chadrapako man•e siaha. Mi a•palo kam ka•mitting somoio ua chadrapako man•aha. Songo donggipa manderangni u•iatani gitade, Ruplal-ko chadrapna skangba uko ka•o nange skatang dakani gimin u•itokachim. Chadrapako man•ani jaman uko Sonapur Hospital-ona sanna gita rimangahachim indiba doctor-rang sokbaon siaha ine parakataha.

Chadrapa jaman matma bakan Sanctuary donggipa jolona kattangpilaha. Batanggimin salrangoba ia apsan matma-an baitaba sak manderangko chadrapangaha.

Ia ong•a obosta jaman, Pobitora-ni Range Officer-ni dilenggipa forest team, hospital-ona re•ange nieaha aro sanctuary-ni sepango kena nanggipa matburing roramani bidingo songo donggipa manderangna mikrakataniko on•ataha. Morigaon-ni Range Officer, Shibani Pegu aro uni dolrang, Ruplal Malo-ni nokdangni manderangna ka•dimeaniko on•a gita uamangko grongna re•angaha.

Ruplal-ni manggisiko Guwahati Medical College aro Hospital (GMCH)-ona post-mortem ka•na gita watataha.

Forest Department-ni gita songo donggipa manderangko mikrake dongchina aro kena nanggipa biaprangko gelchina gita ku•pattianiko on•ataha. Iandakgipa a•selrangko komiatna gita uamangni department nambata nirok simsakani, awareness program-rang aro quick response team-rangko dona kamrangko ka•enga.

Na·simang ia video-koba nina man·gen:

Na·simang iakoba poraina man·gen: Garo Hills-ni community reserve-o makkre-ni rokomrang bang•batgipa ong•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub