Guwahati, Aug 17: Mikronni nikanio be·en-bimangrangko sipaina krakra dake ong·atna aro sipairangko mangrakbate rakkiangna gita miksonge, Assam police rakgipa ja·kurangko de·atenba, police force-ko mikkangchi mangrakbatatna gita re·baenggipa sal 15-ni gisepo Assam police-oni sak hajal 67,000 mang sipairangni be·en jrianirangko toe nian baksana uamangni body mass index (BMI)-ko nisusae niangnasienga.
Ia miksonganina re·mikkangenganio, Assam police, Butbar saloni a·bachenge Guwahati-o donggipa 4th Assam police battalion-o uamangni DGP, Pa GP Singh-ko skanggipa BMI-ko ka·e niangchengaha aro nisusae nianio DGP, rasong gnange pass ka·angaha ine koboroniko knasona gita man·enga.
An·tangko BMI ka·e nisusaangani ja·man, kobor ra·timgiparangna aganangengon, Assam-ni DGP Pa GP Singh, a·dokni skotong minister Pa Himanta Biswa Sarma-ni didianirangko man·enba, a·dokni police unit-ko be·en-bimangrango ninangkale aro mangrakbate rakkiangna gita Assam police dingtangmancha ku·mikchete ra·aha aro uandaken, ia bilsini May 16 tarikoni a·bachenge jagittamna kingking BMI-ko ka·e nisusaanirangko dakna tik ka·aha, jekon chinga Butbar saloni dipat a·songni dam 36 biaprango BMI exercise-ko a·bachengataha ine aganangenba, sorkarioniko je sipairangan dormaharangko ra·chakengachim, pilakan ia exercise-ko dakna nanga ine Assam DGP, sakanti police-rangkon didiangaha.
Gnigipa gadango, BMI-ko ka·e nisusaatani result-rangko man·ani ja·man, jemangan mande changroani kri dugapile be·en milgipao ga·aka, uamangko police training college-ona re·bachina gita didianiko on·gen aro ia college-o uamang, sorkarini doctor-rang aro nutritionist-rangni dakchakanirangko man·gen aro nangani kri uamang sal 3 oni jasana kingking dongna nanggen ineba Assam -ni DGP agandapataha.
Iakoba poraie nina man·gen: Muster Roll worker-rangni tom•anio CM bak ra•anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
