Imphal, Aug 17: Manipur a•doko so•sojengjeng ong•enganichi bang•a manderangan so•otanirangko man•na nangengahani gimin Bristibar salo, Manipur a•dokni me•chikrang, biap damgittamo jinma asongenba, sianggipa janggirangna kalimanirangko dakangaha.

Jinma asonge kalimaniko dakanio Manipur a•dokni me•chikrang, Manipur a•doko ong•enggipa obostarangko namatchina gitaba jinma bi•rimanirangko dakangaha.

Re•anggipa July-ni 31 tarikoba sak 1000-na baten me•chikrang, Moreh jillao donenggipa police dolrangko ra•galchina dabie, Churachandpur-o jinma jegalanirangko dakangahachim aro iana skang, July-ni 28 tarikoba sak hajalni hajal Kuki-Zo me•chikrang, Tengnoupal a•jao, police-rangni napbaaniko champengsona gita Moreh-ona dakanggipa ramako champengate jingjengatangahachim.

May jao Manipur a•doko so•sojengjeng ong•chengaoni da•o dipet komibeoba sak 150 manderang so•otako man•na nangaha aro sak 400-na baten manderang saknaanirangko man•na nangahachim.

Iakoba poraie nina man·gen: A·dokni chadamberangna minggipin cholchi kamrangko on·skana sorkari miksongenga ine skotong minister parakata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub