Dibrugarh, Dec 24: Assam aro Arunachal a•dokrangni sima ari-o donggipa Dirak cholgugao, Robibar pringni bako police-rangni goanichi, United Liberation Front of Asom (ULFA-I) dolo bakrimna inenba re•angenggipa chadambe sak 3 saknaatako man•aha.
Ia saknaa man•gipa chadamberangara, Tinsukia jolni Sadiya Chaphakowao jolo donggipa, Manoj, Deepjyoti aro Biswanath ong•achim.
Indake, uamangni ja•arango slai-ni guli nangenba bilongbee saknaatako man•tokaha aro nambata sanna bannaniko dakna gita uamangko hospitalona taraken rimangaha.
Ia obosta, bobil dolni ganding chindingko gangipa dolrang aro Assam-ni DGP GP Singh-ni gisepo ong•aha.
Batanggimin antini gisepo, je manderangko dosi gnang ine chanchichipe rim•e donenggipa manderang, ia dol baksa maming bak dongja ine ULFA-I talate on•angmanahachim.
Indake, bang•a chadamberangan bringbrangatako man•ani a•sel aro dilsretani a•sel ba ULFA-I dolni Over Ground Worker (OGW)-ni tol•e ropani a•selo iandakgipa bobil dol baksa bakrimpaenga. Iani gisepon, ULFA-I dolni gitalgipa sipairangko rimnapna a•bachengataha aro uan mongsongbate kamgri dongenggipa chadamberangko rimnapna jotton ka•enga ine nikna gita man•a.
Iakoba poraie nina man·gen: Assam a•dokko naljoke rakkina DGP GP Singh ku•rachaka
Watch
