Guwahati, Dec 23: ULFA-I dolni gimin janapengon, Assam police dolrang a•dokni manderangko naljoke rakkina gita chu•gimik on•kange kamko ka•enga aro pilak dakgrik dinggrikanio jak dongpaaniko nangnikja ine Sukrobar salo, Assam-ni Director General of Police (DGP), GP Singh aganangaha. Unbaksana, India-ni Constitution-o donsogimin niamrango pangchake Assam police dolrang kam ka•anggen ineba ua aganataha.

Kobor ra•timgiparang baksa agangrikengon, “Batanggimin somoirango gita, Assam a•dokko namgijagipa obostao ong•atna gita sikja. Uni gimin, je dolba Assam a•dokni dal•roro silrorogniko nisina jotton ka•genchimode, uamangni kosako niam gita ja•ku de•ani ong•gen. Indake Assam a•doko, 1 lakh bighani a•arangko jakgitele man•gimin gnang, jekon Bangladeshi-rang niamgri ra•seke ra•ani a•selo, ia a•arang bilsi gni ata-ni gisepo komiaha ine nikna gita man•a. Iani gisepon, Myanmar camp-ni manderang chongmotan, ULFA-I dolni manderang, ka•mikenataniko on•atenga jean a•dokna gimaaniko ra•banasia. Uni gimin, Myanmar-o a•tip dake dongenggipa dolrangko ma•ekatna gita, sorkarini dakgimin niam ba chol ramarangko, Assam a•dokni manderang name dake nina gita nanga” ine DGP, Singh parakataha.

Unbaksana, a•dokni manderangni namgnina aro silroro namroroanina, a•dokni police dolrang niam gita kam ka•anggen ineba ua ku•rachakaniko on•angaha.

Iakoba poraie nina man·gen: ‘Save Democracy’-na dabie Assam-o Congress jingjengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub