Shillong, June 26: Meghalaya a·dok sorkari, 2026-27 bilsini free residential UPSC coaching program-na dorgasto-rangko on·china okamaniko on·ataha. Sorkari, a·doko songdongkamgipa man·a kragipa manderangna ge 60 seat-rangko chu·gimik indin on·aniko dakenga.
Ia coaching-ko Meghalaya Administrative Services and Public Examination Training Centre (AISPETC)-ni gita ong·atenga. Seoka man·gipa chatro chatrirang-na Shillong, Mawdiangdiang-o donggipa MATI Campus-o indin coaching ba skie on·ani baksana dongchakani aro cha·ani ringanirangkoba indin on·anggen aro iano klas ra·ani chu·gimikan English ku·sikchi ong·gen.
Ia coaching-na admission ra·anide entrance-test-o bang·bate mark-rangko man·anio pangchakgen. Iana dorgasto galgiparang bilsi 21 ba una batgiparang ong·na nangan baksana komibewaloba 50%-ko man·e bachelor’s degree-ko pass ka·gipa aro 2027 bilsini UPSC Civil Services Preliminary Examination-ko sena kragipa ong·na nanggen.
Ia indin coaching-na dorgasto-rangko galani bon·kamgipa tarikara 2026 bilsini June 30 tarik ong·a. Ia ja·ku de·ani miksonganiara, ia porikkana tarisamsaoni koros-rangko komiate, namgipa UPSC coaching ba skie on·aniko man·a kragipa candidate-rangni jak sokao ong·atanian ong·a.
Na·simang iakoba nina man·gen:
Na·simang iakoba poraina man·gen: International Day Against Drug Abuse-ni salo, pekatgipa cha•ani ringanirangko nosto ka•e galanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
