Shillong, Sep 12: Re·anggipa Sonibar salo, East Khasi Hills a·jani me·chikma saksa, an·tangni bilsi 12 ong·gipa demechikna, Pomlum Primary Health Centre (PHC)-ni prescribe ka·e on·atgipa samrangko ra·angon, ia rong 10 samrangni gisepo gojalkoba man·chapaha ine matnangataha.

Ia me·chikmani kobor ra·timgiparangna aganani gitade, ua Pomlum PHC-oniko an·tangni demechikna amoxicillin tablet-rangko ra·angahachim indiba ia samrangni gisepo ua gojalkoba man·chapaha.

Uni ra·anggipa samrango gojalko man·a bakan ua PHC official-rangna u·iataha aro iano jak donggipa manderangni kosako rakgipa ja·kurangko de·china didiataha.

Iani bidingo koborko man·soa bakan, a·dokni Health Minister Ampareen Lyngdoh-ba, health department-ni senior specialist-rang aro drug inspector-ni dilanichi, iani bidingo sandirokna gita medical dolko songe on·angaha aro official-rang bakan iani bidingo sandirokna gita PHC-ona sokangaha.

Iani bidingo am·sandianirangko dakani ja·man jinmana talataniko on·angengon, ia gojalara samna bate namen dal·bata ine Health Minister parakatenba, iani bidingo badi ka·aniara ong·na kragijani ong·skaaha ine janapataha.

Iandakgipa apsan badi ka·anirangko uamang gipin biaprangonikoba am·sandiahachim indiba darang biaprangon iandakgipa badi ka·anirangko uamang man·jaha ineba Lyngdoh parakataha.

Iakoba poraie nina man·gen: Silchar Medical College-ni doctor-rang, drug inspector saksako doka ine matnanga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub