Shillong, May 9: Poraienggipa chatro-chatrirangni gisepo pekatgipa bosturangko jakkalanirang batroroengon uamangna agan-ku·pattina sak 100 skigiparangko Shillongo trainingko ong·atgen ine Social Welfare Minister Paul Lyngdoh skrubar salo aganaha. A·doko pekatgipa bosturang ba drugsrangko jakkalanirangko bon·atna Social Welfare ni gita kam sorkari kamrangko ka·enga ine minister kobor ra·timgiparangna aganaha.
Department ni gita iana raken kamrangko ka·engaha. Chonchongipa bi·sarangoni a·bachenge dal·dalgipa chadamberang aro poraienggipa Chatro-chatrirang maikai drugsrangoni chel·e dongna man·gen iani gimin Sanker Centre for Neurology baksa nangrime kamrangko ka·chakatengaha ineba minister talataha.
Je skigiparangan iana trainingko ra·genchim uamang napani dam ba feesko tangka gong 10000/- ko gamna nanggen indioba sorkari 50% kode gamchakengani gimin tangka gong 5000/- kosan uamang gamna nangaigen ineba ua aganaha.
Robol kal·anio mingsinggipa Shillong Lajong Club dolba sorkari baksa kam ka·na miksongenga. Pekatgipa bosturangko jakkaljachina uamang uiatanirangko on·gen.
Chadamberang dingtang dingtang kamrango kam ka·e ia drugs rangoni chel·china ine sorkari bang·bea skie ra·ani Centre rangkoba kuliaha. MSSDS, Donbosco , ITI iarang mobile repairing, plumber, photography aro iandakgiparangko skie on·enga. Iamang baksa sorkari nangrime kamrangko ka·enga. DREAM ni director Francis Kharshiing, skul skigiparangko iano an·tangtangko biming segate trainingko ra·echina didianiko on·ataha.
“Ia jasani trainingo chinga changprako sak 10 kosan ra·napchengaigen. Ja 10 ni gisepo chinga sak 100 skigiparangna trainingko on·na man·gen” ua agandapaha.
Na·simang ia video-koba nina man·gen:
Na·simang iakoba poraina man·gen: A·doko rel garini bidingo chanchigrikanio opposition dolrang bak ra·jaenganina Paul Lyngdoh suk ong·ja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
