Shillong, July 24: Post Office-o kamna rakkianio Khasi aro A•chik ku•sikrangkoba ‘optional language’ ba basena on•gimin ku•sikrang ine ra•gatgnok ine Ministry of Communication and Department of Post-oni parakataha.
Shillong General Post Office-o Gramin Dak Sevak-rangni kamna gipin a•dokoniko rakkiani bidingo Federation of Khasi Jaintia and Garo People (FKJGP) dol ku•rang on•aniko dakangaha.
FKJGP-ni president Dundee C. Khongsit-ni aganani gita de, sak 45 mangni gita Gramin Dak Sevak-ni kamna gipin a•dokoni candidate-rangko batanggimin somoio rakkiahachim. Indake iarang pilakan, kamna rakkiani somoio a•doko jakkalenggipa Khasi aro A•chik ku•sikrangko baseani cholrang dongkujaengani a•sel ong•enga, jean chadamberangna champengani ong•enga ine ua aganaha.
Indake Budhbar salo, a•doko kamgri ong•e kam sandienggipa chadamberangni chagrongna nangenggipa neng•nikanirangni bidingo chanchirimna gita, Chief Post Master General-ko FKJGP dolni Shillong-o grongeaha.
Ia grongani ja•mano, kamna rakkianio Khasi aro A•chik ku•sikrangko basena chol on•gnok ine Ministry of Communications and Department of Post-ni parakataniko, FKJGP Tura Unit-ni President Pritam Arengh jinmana talate on•angskaaha.
Na·simang ia video-koba nina man·gen:
Na·simang iakoba poraina man·gen: Google Translate-o Khasi ku•sikko man•chapatanina kusi ong•aniko Nongpoh Legislator parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
