Shillong, Jan 4: Press Club of India (PCI), Chhattisgarh-ni Bijapur-o songdongenggipa saksa bilsi 31 ong•gipa journalist, Mukesh Chandrakar-ko so•otaniko raken jegalataha aro una kakket bichalko ka•e on•china dabiangaha.
Koborko man•soani gitade, ia journalist January 1 tarikoni gimaaha aro Sukrobar-o uni manggisiko nikna man•aha.
Indake police-rangni am•sandianiko dakanio, uni manggisiko, saksa contractor-ni septic tank-oniko nikna man•aha.
Chandrakar saksa, tangka cha•ani bidingo, tribal-rangni man•gni bilrangni bidingo aro Bastar jolo ka•saninggija ka•enggipa kamrangni bidingo kobor ra•timanio ka•donggipa ong•anina mingsingako man•gipa ong•achim aro ua ge•sa ‘Bastar Junction’ minggipa YouTube channel-ko chalaienggipaba ong•achim.
Ua mongsongbate jolo songdonggipa manderangni chagrongna nangenggipa neng•nikanirangko kobor ra•ronggipa ong•a.
Indake, PCI, ia a•selni kosako bakan ja•ku de•china aro dosi gnanggipa manderangni kosako kakket bichalko ka•e on•china raken dabiataha. Unbaksanaba, ia mokordomako Press Council of India-ni gita jako ra•china aro Chhattisgarh a•dok sorkariba kakket ong•e bichalko ka•china ineba uamang mol•molataha.
Una agreba, Chandrakar-ni siani kobor ra•timani a•bao kam ka•giparangna dal•a gimaani ong•aha ine janapatan baksa, uni nokdangni manderangna aro ripengskarangna kalimpaanikoba uamang parakataha.
Indake Chandrakar-na kakket bichalko ka•e on•china dabiani bak gita re•baenggipa antio kalimani baksana jegale jingjengataniko dakangna gita Press Club of India tik ka•angaha.
Na·simang ia video-koba nina man·gen:
Na·simang iakoba poraina man·gen: IAF dol Industry Outreach Event 25-ko Guwahati-o ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
