Tura, July 31: West Garo Hills a•jani Purakhasia jolrango bijoliko name man•jaengani gimin Budbar salo, Purakhasia jolo songdongenggipa manderang, Dalu-o donggipa MeECL office-ona re•ange, department-ni officer-rang aro SAI company-ni project manager baksa agangrikanirangko dakangaha.
Ia tom•anio songni dilgiparang, MeECL-ni official-rang aro SAI-ni project manager baksa agangrikengon, badiaba salrangode Purakhasia jolrango sal 20-na baten bijoli dongjaenga, kontasamangna mikka waangahaon bijoli sirongaia aro Dalu jolrango bijoli donggenchimoba Purakhasia jolrangode bijoli dongrongja ine an•tangtangni suk ong•gijaniko parakangtokaha.
Purakhasia jolrango songgipa bijoli krongrang gitchamahani gimin bang•bata bijoli krongrangan obosta namangjaengaha aro ian manderangna kenchakna nangani ong•enga ineba songni manderang, MeECL official-rangna parake on•angaha.
Ia tom•anio Dalu MeECL-ni SDO Balsrang Marak, songni manderang baksa agangrikengon, uamangni neng•nikanirangko antisani gisepon namate on•gen ine ku•rachakaniko on•angskaaha.
Dalu sub-station-ko chalaiahaon, Purakhasia jolrango man•enggipa pilak neng•nikanirangkon namatna man•gnok ineba ua aganaha.
Koborko on•ani gitade, Purakhasia-ona salanggipa 33 KV power line-ko MeECL nirokengachim aro 11KV baksana 440 KV power line-rangkode Meerut-oni SAI Computer Limited minggipa company-sa jako ra•e nirokskaengachim.
Na·simang ia video-koba nina man·gen:
Na·simang iakoba poraina man·gen: Shillong-o Durand Cup-ko sokachakna tarisoani kamrang 98% matchotaha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
