Agartala, Sept 18: Tripura Pradesh Congress, Opposition-ni dilgipa Rahul Gandhi-ko so•ote galna ka•mikkenatani gimin, BJP dolni dilgiparang aro uamang baksa bakrimgipa dolrangni kosako Budhbar salo jegalaniko dakangaha, jeon BJP sorkarini kosako namnikgija kattarangko a•bokan baksana BJP dolni dilgiparang aro uamangni dolrangni bimangrangko tarie so•e galangaha.
Iani bidingo, Tripura Congress dolni State President, Asish Kumar Saha, West Agartala police station-o badi ka•angaha aro uni badi ka•anio, bang•a dingtang dingtang political manderang chong•motan, a•dokni Railway Minister Ravneet Singh Bittu, Delhi BJP-ni dilgipa Tarvinder Singh Marwah, Shiv Sena-ni MLA Sanjay Gaikwad aro Uttar Pradesh-ni Minister, Raghuraj Singh-ni bimungrangba nadobaaha.
Re•anggipa September jani 11 tariko, BJP dolni tom•aniko ong•atanio, name dongnakode dongbo ong•jaode uaba ambitang gitan sina nanggen, chong•motan, uni ambigipa aro India a•songni gitcham Prime Minister Indira Gandhi-ko so•oatniko miksonge Tarvinder Singh Marwah aganahachim.
Iandakgipa kattarangko uamangni dilgipa Rahul Gandhi-ni kosako BJP-ni dilgiparang aro uamangna chakpagiparangni ra•chakna man•gijagipa kattarangko ku•watanina uamang jegalaniko dakenga aro uamangni kosako police-o badi ka•aha ine kobor ra•timgiparangna Ashish Kumar Saha aganaha.
Uasan ong•aigija, re•anggipa September jani 16 tarikoba, Sanjay Gaikwad, Rahul Gandhi-ni sre-ko ratongna man•gipa mandena tangka gong lakh 11-ko on•gen ine jimana ku•rachakani giminba Saha janapataha.
Ashish Kumar Saha baksana, gipin a•gipibatgipa Congress dolni dilgiparang jekai MLA Sudip Roy Barman, Congress Youth-ni President, Neel Kamal Saha, Women Congress-ni Chief, Pijush Kanti Saha, High Court-ni a•gipi batgipa ukilrang, Congress-ni dilgiparang aro gipinrangba jegalaniko dakangaha.
Na·simang ia video-koba nina man·gen:
Na·simang iakoba poraina man·gen: Unitarian Church-ni bilsi 137 gapaniko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
