Guwahati, June 27: Buringrangko aro matburingrangko naljoke rakkina sorkarini ja•ku de•anio, gital parakatgimin Raimona National Park-o Mainland Serow ba do•bok dakgipa bimangni matburingko nikchengaha, jean bang•gijasan dong•aiahani gimin buringo nikna neng•gipa matburingba ong•achim. International Union for Conservation of Nature-ni lekkao gimaroroangenggipa matburing ine segatako man•gipa ia matburingko park-ni salgipengchipak-ni Ganda Bajrum Anti-poaching camp sambao ong•atgipa dingtang dingtang manianio jachipchang ra•anio nikna gita man•aha.
Assam Forest Department baksa kam ka•enggipa, Aaryanyak-ni buringo dongipa Panthera V6 digital camera trap-oniko ia matburingni bimangko nikna gita manaha.
Ia matburingni gimin sandie man•aniko Journal of Threatened Taxa-o dingtangmancha nakatataha. Ia ki•tapko Aranyak-ni a•gipibatgipa scientist Dr. M. Firoz Ahmed, a•gipibatgipa conservation biologist Dr Dipankar Lahkar, Nibir Medhi, Nitul Kalita, Kachugaon Forest Division-ni DFO Bhanu Sinha AFS, forest official Pranjal Talukdar, Biswajit Basumatary, Tunu Basumatary, Assam University Diphu campus-ni Associate Professor Dr. Ramie H. Begum aro Panthera, Tiger Program-ni director Dr. Abishek Harihar iamang seangaha.
“Raimona National Park-o ia Mainland Serow-ko man•aniara matburingrang aro buring bolgrimrangko ripingani kamrangko ka•enggipa manderangna namen kusini katta ong•a. Ia indakgipa matburingrangko aro buringni gimaroroangenggipa matburingrangko ia national park-o ripinganin chingni miksongani ong•a,” inenba Kachugaon Forest Division-ni DFO, Bhanu Sinha aganangaha.
Ia Mainland Serow-ko buringo nikpiltaianiara, sambao donggipa Phibsoo Wildlife Sanctuary aro Bhutan-ni Royal Manas National Park-o ia matburing dongani a•selba ong•ahakon ineba chanchichipenga.
“Chinga National Park Authority-rangko uamangni ia gisik nange kam ka•anichi ia rokkomsa matburingko nikpiltaina man•ahanina mitelpilna ska. Raimona National Park-o matburingrang bang•bea aro iandakgipa matburingko nikpiltaina man•aniara namen kusini ong•a” ine Aaranyak-ni a•gipibatgipa scientist Dr. M. Firoz Ahmed parakataha.
“Mainland Serow-ara Indian subcontinent-ni Himalaya a•bri jolrangna agreba China-ni salgipeng jolrang, Asia-ni salaram aro salgipeng jolrang baksana Sumatra a•songrango songdonggipa matburing ong•achm. Ia matburingni ka•sine komianganiara, manderangni niamgri so•oatani a•sel baksana buringrangko nosto ka•e galani a•selba ong•a. Ia matburingni bidingo lekka see rakkianirang dongjani a•selo uamangko tange rakkina gita mai ja•ku de•anirangko dakna nanga aro maidake ripinge rakkina man•gen ian neng•nikani ong•enga ” ine Aaranyak-ni a•gipibatgipa conservationist, Dr Dipankar Lahkar aganangaha.
Ia nikronggijagipa matburingrangni be•enko cha•na niamgri so•otani a•sel aro dingtang dingtang dolrangni nangrikani a•sel bolrangko den•e ra•sekani a•sel Raimona National Park-na namen jajrengani ong•enga. Sorkarini dakchakanichi, ia park-o matburingko jelatna aro uamangni dongchakram biaprangko tangatpilanian mongsonggipa jaku de•ani ong•na nangenga.
Assam a•dokni sorkari 2021 bilsio June jani 8 tariko ia biapko national park ine parakataha. Bilsi 30-na dingtang dingtang dolrangni dakgrikani jaman, Bodoland Territorial Council (BTR)-ko 2020 bilsio a•bachengataonisa ia buring bolgrimrangko ripinganio nambataniko nikna gitaba manaha. Mainland Serow-ko 2020 bilsio December jani 29 tariko pring 9:12 bajio aro salni 1:46 bajio, Ganda Bajrum Anti-poaching camp-ni metre 96 mangni chelao nikna gita man•aha.
Ua biapo Mainland Serowko nikanian da•o dipetde mande songjinmaona sepangbate re•baani ong•ani gimin uamangni dongchakram biaprangni bidingo am•sandie nianiko dakna nangchongmotani ong•enga. Ru•utgija salrangna skang mangmangan ia matburingko Assam-ni 100 ba 300 meter-ni chelao nikna gita man•aha.
Na·simang ia video-koba nina man·gen:
Na·simang iakoba poraina man·gen: Gambegre-o susana bimung on•ani bidingo NPP-ni dilgiparang CM baksa chanchirimanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
