Shillong, May 1: Rajasthan a•doko sianggipa chatri Walinda Binong-na Sombar salo, uni ma•drangrang ka•a be•ani gnang bon•kame mande ra•pilskaaniko dakenba, Marngar songo gope galaha.
Bilsi 19 ong•gipa Walinda Binong, Rajasthan a•doko donggipa Mody University-ni School of Design-o fashion designing-ko poraiengachim indiba April-ni 29 tariko uni sigimin manggisiko uni dongchakenggipa hostel-ni kuturioniko man•ahachim.
Ua ong•na kragija dake siahani gimin Rajasthan a•dokni official-rang, uni manggisiko rate niahachim.
Walinda saksa lekka man•gipa aro gisik seng•gipa me•chik ong•a ine uni nokdangni manderangde ua an•tangko so•ote sina kraja ine a•kangskaengachim.