Tura, April 21: GHADC election-o Babelapara constituency-oni susae, NCP-ni dilgipa Saleng A Sangma-ko chegipa NPP-ni Rakesh A Sangma, Budbar salo GHADC-ni chairman ong·e kamko a·bachengaha.
Chairman-ni kamna election-ko ong·atanio Rakesh Sangma, 16 vote-rangko man·aha aro Congress dolni Cherak Momin, 12 vote-rangkosan man·rikskaaiaha.
Chairman-ko seokanio, GHADC-ni gimik sak 29 MDC-rangoni BJP-ni Bernard N Marak, bakko ra·angskajaha.
GHADC-ni gital chairman-na seokako man·ani ja·mano sason ka·enggipa aro jegalenggipa dolgnini membor-rangan gital chairman-na an·tangtangni namgipa skaniko paraktokaha.
