Shillong, Jan 20: East Khasi Hills a•jani Madanriting Police Station ning•o donggipa Mawkynrew songo, Ramakrishna Mission School-ko rikani bidingo so•sojengjeng ong•ani ja•man Sombar salo, East Khasi Hills a•jani District Magistrate, curfew-ko ra•gatangaha.

Curfew-ko ra•gatani bidingo u•iataniko on•angengon, Mawkynrew songo rikenggipa Ramakrishna Mission School-ko nisie galani aro manderangni gam-jinrangko nisie galani bidingo kobor man•soani ja•man, so•sojengjeng ong•aniko chel•chakna gita ia jolrango curfew-ko ra•gatangaha ine East Khasi Hills a•jani District Magistrate Rosetta Mary Kurbah parakataha.

District Magistrate-ni u•iatani gitade, Mawkynrew songo so•sojengjeng ong•anirang namangkujaskal ia jol gimikon Bharatiya Nagarik Suraksha Sanhita (BNSS)-ni Section 163-ni niamrangko ja•rikanggen.

Ia jolrango tom•tomaniko rakkina gita dongimin niamrangko ja•rikchinaba ua jolo songdongenggipa manderangko didiataha.

Mawkynrew songo Ramakrishna Mission School-ko rikna gita a•arangko on•ahani gimin Sombar salo, jolo songdongenggipa manderang aro police-rangni gisepo dinggrikani ong•katahachim ine nikna man•a.

Iandake dolgni dinggrikengmiting somoio manderangko katatna gita police-rang, gol•dikrangchi dokruruna nangaha aro tear gas-rangkoba gona nangaha.

Ia biapo kal•chakramo tarina gitasa Mawkynrew Sports Club-na pakwatmanahachim indiba Mawkynrew Pyllun-ni dilgiparang ia a•ako, songni manderangna maming u•iatchengani gri Ramakrishna Mission School-ko rikna on•skaaha ine Mawlein aro Mawkynrew songni manderang, ding•chaoe Sombar pringo jinma jegalanirangko dakna a•bachengaha.

Songni manderang, ia biapo rikenggipa skul noko napna jotton ka•on, ua biapo police aro magistrate baksa nanggrikna a•bachengaha aro uandaken ja•mano police-rang, manderangko katatna gol•dikrangchi dokrurue, tear gas-rangkoba gona nangaha.

Ia a•sel ong•anio adita sak manderang saknaanirangkoba man•na nangaha.

Na·simang ia video-koba nina man·gen:

Na·simang iakoba poraina man·gen: Matburingrangko so•ote badingsrukgipa saksa forest guard-rangni jako goa man•e sia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub