Resubelpara, Feb 13: District Health Society, Resubelpara-ni District Medical & Health Officer-ni office, a•doko Rashtriya Bal Swasthya Karyakram (RBSK)-ni bilsi 10 gapaniko North Garo Hills a•jani ning•o ong•gipa song Mendipathar-ni Multipurpose Co-operative Society Hall-o gisik ra•ani gita tom•aniko dakangaha.

Ia Programme-o, Health Council-ni memborrang, health workerrang jekai, ASHA aro Anganwadi-rang, dingtang dingtang skulrangni skigipa aro chatro chatrirang aro gipin line Department-ni officialrang dongpae bakko ra•angaha.

Ia Programme-o mongsonggipa sokgipa North Garo Hills-ni Deputy Commissioner AK Singh jinmana aganprakengon, a•doko aro district ge•antion ia RSBK-ko bilsi 10 ong•pile kam ka•anio chu•sokatna man•ahanina, health department aro dingtang dingtang dolrangko mitelpilskaaniko dakangaha.

Indake, bi•sarang jemangan bilsi 4-18 ni ning•o ong•gipa bi•sarangni janggi tanganiko nipiltaianiko dakna mongsongbate, ge•bri D-rangni gimin nipiltaina chongmotan, Defect at birth ba atchiani somoio maiba namgijani dongama dongja, Diseases ba saani biatirang, Deficiency ba be•eno maiba komianirang dongama dongja aro Development ba sengnang sana bananiko ra•jani a•selo be•eni gita dal•roroanio komianirang dongama dongjama, iarangni bidingo nipiltaianiko dakna mangsonge ia RBSK-ko a•bachengatani ong•achim aro Garo Hills a•dokoni, gimik gimang sak lakh 4 ong•nasiple bi•sarang, nipiltaianiko dakan baksa sana bananikoba man•angjolaha.

Ia awareness programme-o bakko ra•enggipa sakantikon, RBSK-ni ning•o mangsonge ja•ku ga•anirangko chu•sokatna jotton ka•pachina inenba Deputy Commissioner didiataha.

Na·simang iakoba poraina man·gen:Rim•sruka man•gipa bakgitchakko police jokata, sak 3 manderangko rim•a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub