Guwahati, Feb 22: Assam-ni Skotong Minister Himanta Biswa Sarma, Reliance Consumer Products Ltd (RCPL)-ni Assam-o kulienggipa Beverage karkanako oprake on•angaha. Ia program-o aganprakengon, Assam a•doko karkanarangni tang•dororoenganiko nikna man•enga aro da•alo ia karkanako a•bachengatanichi a•doko dal•a chu•sokaniko man•aha ine aganan baksa, a•doko iandakgipa karkanarang ong•katanichi a•dokni chadamberangba gipin biapchi re•anggija a•doktangon kam ka•e cha•na man•gnok ine Skotong Minister janapataha.
Ia karkana crore 250 ong•a ine janapatan bsksa, Reliance Consumer Products Ltd-an FMCG aro Beverage Company-rangoni nambatsranggipa ong•enga aro gital karkanako Guwahati-o a•bachengatanichi salgro salaram a•dokrango Campa-ni bimungko tang•doataniba ong•enga.
Ia karkana-an ua jolo dal•batsranggipa ong•a aro crore 10 litre-ni Carbonated Soft Drinks (CSD) aro crore 18 mangni gita ringani chiko pack ka•na amgipa ong•a.
Indake, Campa-ni bosturangko ramram manderangba bree ringna altugen maina ia bosturangko kraa damo tarienga aro komigipa damo tarigenchimoba bostuni quality bilongen namgipa ong•a aro uasan ong•aigija, sak 300 chadamberangna kamkoba on•a man•a gita ka•dongsoenga ine Skotong Minister janapataha.
Reliance Consumer Product Ltd-ni COO, Mr. Ketan Mody-ba, Jericho Foods baksa bakrime ia karkanako a•bachengataniara, chadamberangna kamko on•a, songsalo tang•doanina on•gilpaaniko on•a miksonganio a•bachengataha ine aganaha.
Ia karkanao RCPL-ni mingsinggipa ringanirang jekai, Campa Cola, Campa Orange, Campa Lemon, Power Up aro Independence aro Sure Water ingipa brand-ni chirangko tarianggen aro ia bosturangko Assam a•doko, salgro salaram jolrango aro North Bengal jolona badingatgen.
Na·simang ia video-koba nina man·gen:
Na·simang iakoba poraina man·gen: Bilsi 90 jaman Assam Assembly-o “namaz”-na neng•takaniko dontongata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
