Guwahati, June 28: Red Panda ba Matchibel jekon Lesser Panda ba Matchibel-rangoni komibatgipa ineba mingachim, uko, Arunachal Pradesh-ni Lower Dibang-ni a•kawe jolo donggipa Mayudia-oniko, forest department-ni official-rang nikna man•aha.
Megao Wildlife Sanctuary-ni Range Forest Officer, Dr. Kabuk Lego-ni dilanichi, Noida-ni WTI-ni on•atgipa ge 6 camera-rangko jakkalenba, ia matchibel-ko jachipchang ra•rikna man•aha aro ian Sanctuary-ni ning•o skanggipa changna nikchenggipa Matchibel-ba ong•achim.
Ia sanctuary, 281.5 sq km mangni gita ong•a aro iano nosto ka•ako man•kugijagipa tang•sekgipa buring bolgrimrang aro chibolrang gnang aro unbaksana, ia sanctuary-o dingtang dingtang rokomni balgitorangan gapachim.
Ia bilsini March jao, Wildlife Institute of India aro West Kameng a•jani Sinchung Sub-Division-ni EWS baksa nangrime, Eaglenest Wildlife Sanctuary-o trap camera-ko tekahachim, jeni a•selan ia matchibel-ko jachipchang ra•rikna chol ong•aha.
Red Panda ba Matchibel, ian chonbegipa gitchakmrang rongni rokkomsa matburung ong•a, jekon, India, Nepal, Bhutan, Myanmar a•songni salgrojolni a•brirango aro China a•songni salgipeng jolrango nikna man•a.
Ia matburungan, Sikkim-ni state animal ba ong•a jekon, bilsio Red Panda Festival ineba manirongenga.
Ia matburungko, gimaangenggipa matburungrangoni mingsa ong•paa ine IUCN-ni list-o aro Indian Wildlife (Protection) Act, 1972-ni Schedule-I ning•o bimung nakatgipa ong•a. 2005 bilsionin ia rokomni Matchibel-ko Himalayan a•brijolo ripinge rakkianio WWF India-ni gita kamrangkoba ka•baengaha.
2018 bilsio sandirikite nianio, Red Panda ba Matchibel-ko Arunachal Pradesh-ni dam 11 a•jarango nikna man•a ine u•iaha, uarangoni mongsongbate, a•dokni salaram jolrango bang•bate nikna man•aha aro gnigipa jelbatgipade, saliram jolo, Tawang a•jao aro Eagle Nest Sanctuary-o ong•achim.
Ia Red Panda-ko, Darjeeling aro Sikkim a•dokrango Habre, Arunachal Pradesh-ni Dibang Valley-o Aaye-michunji aro Meghalaya a•dokni Garo Hills a•jao Matchibel ine mingachim.
Ia Matchibel, a•gilsak gimiko mang 14,500-oni 15,000 mangni gitasan dongaiachim aro uarangoni, India a•songo mang 5,000- 6,000, China-o mang 6,000-7,000 aro mang 317-582 matchibel-rangko Nepal-ni buringrango nikna man•aha.
Na·simang ia video-koba nina man·gen:
Na·simang iakoba poraina man·gen: Tripura a•dokni CM-ni ka•sae dakanina Bangladesh-ni PM on•pilskaaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
