Dibrugarh, Oct 22: Assam a•dokni Tinsukia-o donggipa Hijuri Stadium-o Gnigipa changna ong•atgipa Red Shield Assam Badminton Tournament, Sombar salo name matchotaha.
Ia tournament-ko matchotatanio, jatni dakbewalrang aro an•tangko chel•chaksoani bewalrangko dakmesokangan baksa adita band-rangni git ring•mesokanikoba nikangna man•aha.
Indake ia tournament-ni U-15 me•chik dolrangni final susaanio, Noimikha Saikia aro U-15 me•asa dolrangoni Hrishikesh Gogoi chegipa ong•aha.
U-19 me•chik dolrangni susaanio Avikaa Borgohain aro U-19 me•asa dolrangoni Produnya Bhuyan chegipa ong•skaaha.
Ia tournament-o chegiparangna gong 50,000 tangkarangko aro 2-gipa biapko man•giparangna gong 25,000 tangkarangko boksis on•angaha.
Ia tom•anio, Red Shield Division-ni General Officer Commanding, Major General Sameer Sharan Kartikeya, Sena Medal mongsonggipa sokgipa ong•e bak ra•angaha. Ua jinmana aganprakengon, ia tournament-ko chu•sokatna man•ani gimin aro gisiko nange bak ra•angtokahani gimin kusi ong•aniko parakatan baksan, ia tournament-ko ong•atanio jak donggipa dolrangko mitelpilskaaniko dakangaha.
Una agreba, 2025 bilsini January jao ong•atnasienggipa Capt Jintu Gogoi Football Tournament-ni bidingoba ua jinmana u•iatangjolaha.
Na·simang ia video-koba nina man·gen:
Na·simang iakoba poraina man·gen: Tura-ni Open Basketball Tournament-o Kawate final-ona doa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
