Shillong, Nov 13: NPP-ni National President aro Meghalaya-ni Skotong Minister Conrad K. Sangma, gital Regional Front-ko a·bachengataniara ma·mong-o BJP-chi dilenggipa National Democratic Alliance (NDA) baksa uni Party-ni nangrime kamko ka·anio mamingba dingtangataniko ra·bajawa ine aganangaha.
Iani gisepon, NPP, BJP aro TIPRA Motha apsan nangrimen kamrangko ka·engkua maina TIPRA Motha-ba a·dok sorkarini bakan ong·a ineba ua agan-talate on·angkuaha.
Re·anggipa November jani 4 tariko, Sangma, TIPRA Motha-ko a·bachengdilgipa Pradyot Bikram Manikya Deb Batna, BJP-ni gitcham dilgipa aro Nagaland-ni Minister Mmhonlumo Kikon aro People’s Party-ko a·bachengdilgipa Daniel Langthasa baksa jolo songdonggipa manderangni mangsonganiko jinmana mesoke on·a United Singular Political Entity-ko bikotna miksonganiko parakataha.
Ia gitalgipa regional group ba dolko bikotani miksonganiara, salantio chagrongna nangenggipa neng·nikanirangko namatna apsan kamrangko ka·an baksana Salgro Salaram jolni dilgiparangni gisepo ku·mong nangrimaniko ra·baanian ong·a ine Sangma u·iataha. Ia miksonganiko chu·sokatna gita somoirangko nangkugen maina da·o uamang Meghalaya, Mizoram aro Arunachal Pradesh-ni dingtang dingtang dolrangko jamano bakrimaniko dakchina agan-golpogrikanirangko dakengkua ineba ua janapataha. Indake ong·engon, ia dolko bikotani miksonganide darangkoba jegalna ong·ja, indiba ian Salgro Salaram jolni ku·rangko bilakbatatan baksana uamangni neng·nikanirangna gisikko on·bate kamrangko ka·atchina miksonganio ong·a ine ua aganangkuaha.
Na·simang iakoba nina man·gen:
Na·simang iakoba poraina man·gen: Bollywood-ni mingsinggipa chrokgipa Nora Fatehi Shillong-ona sokbaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
