Shillong, Sept 14: A·doko rel gari dongjani a·sel salantio nangchongmotgipa bosturangni damrang tang·doenga ine Food & Civil Supplies minister Comingone Ymbone-ni aganara dam tang·doaniko sorkarini namatna changjae pa·sikani kattasa ine Sukrobar salo Khasi Students’ Union matnange jegalaha.
“Uni sikatang agananiko manderang bebe ra·e dilsretaniko man·jachina ine iano see mol·molatenga” ine KSU-ni General Secretary Donald V Thabah janapaha.
KSU General Secretaryni aganani gitade uamang Khasi-Jaintia a·dokrangona rel rama taribaaniko jegalanio namen kim·kim ong·a. Uko champengsoania Bull Lyngdohni chasongonin ong·a, aro a·dokona gipin biaponi napdrabagiparangko champengna namgipa cholko bikotjaskal rel ra·baaniko champengaigen ine ua aganaha. “Uni giminan chinga Inner Line Permit ba Easter Frontier Regulation 1873-ko ra·gatchina skangonin dabibaenga.”
Rel rama taribaaniko 1989 bilsio jegalaniko aro 2017 bilsio Tetelia-oni Byrnihatona North East Frontier Railways (NEFR) rel rama tarina am·o jegalanikoba Thabah cho·bile agankuaha. Ua jing·jengatanio KSU manderangko sal 40 baten rim·achim. Uni gimin, uarangko chanchiatpile, ILP-ko ra·gatjaskal rel rama taribaaniko je dakgipa bewaloba champengna jajajawa ine KSUni jakrikra aganaha.
Na·simang ia video-koba nina man·gen:
Na·simang iakoba poraina man·gen: Assam sorkari online trading scam-ni bidingo ming 32 case-rangko CBI-na pakwatatna tik ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
