Shillong, Dec 10: Rel garirangko ra·baani bidingo jolni manderangni chanchianirangko ma·sie ra·na gita Jaintia Hills a·jani manderang baksa re·baenggipa January jao ‘dal·begipa’ tom·aniko ong·atanggen ine Meghalaya a·dokni Cabinet Minister aro Khliehriat-ni MLA Kyrmen Shylla parakataha.

Shylla-ni aganani gitade, rel garirangko ra·baani bidingo da·o dipet sorkari mamingkoba tik ka·sranga ong·kujaenga indiba rel garirangko ra·baani bidingo manderang baksa agangrikna aro Jaintia Hills-o rel garirangko ra·baanichi namgni aro namgijanirangkosa sorkari nichengenga.

Iani bidingo manderangni chanchianirangko u·iatchina didiatengon, Jaintia Hills a·jao rel gari ra·baaniko namnikgipa aro namnikgijagiparangba bang·en donga ine Shylla parakatskaaha.

Mamingko tik ka·na skangba manderang noktangtangon iani bidingo name chanchichengna nanga aro rel garirangko ra·baanichi namgnirang donggenchimode rel garirangko ra·baon nambata ineba ua aganaha.

Rel garirangko ra·baani bidingo ua jinma baksa apsan tom·e chanchirimna nangnikengoba da·o dipet iako ta·rake ong·atna miksongani dongja ineba Khliehriat-ni MLA aganaha.

Meghalaya a·dokona rel garirangko ra·napbagenchimode niam gri napsrukanirangko champengna neng·gnok ine dingtang dingtang dolrang raken jegalsotokengachim ine nikna man·a.

Iakoba poraie nina man·gen: Vengaboys-ni an·saoatanichi Me·gong Festival-ko matchotata

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub