Shillong, Oct 22: Food Civil Supplies & Consumers-ko jako ra·enggipa a·dokni cabinet minister, Pa Comingone Ymbon, Jaintia Hills a·jaona rel sokatbaaniko kusi ong·en rimchaksoa maina, rel ramako taribaanichi a·jani manderangna bang·en namgni ong·gen ine Sukrobar salo aganangaha.

West Jaintia Hills-ni ning·o donggipa Raliang constituency-ni NPP-ni MLA, iani bidingo kobor ra·timgiparangna agananengon, rel rama donggipa a·songrango manderangna namgniko on·enganiko anga an·tangan nikaha, aro a·songni jakgitelani salko maniani somoio a·songni nisanko badalatna angni Garo Hills-chi wenangmitingo Mendipathar-o donggipa rel station-china re·angjolanioba, ua jolni manderang re·a-doani koroso aro minggipin kamrango bang·en namgnirangko man·enganiko nikbaaha aro game cha·giparangba uamangni man·gimin biterangko Guwahati-ona re·bae pale-sim·enba laprangko man·tokenga aro nanggipa bostuni damrangba gipin biaprangming nisusaatode Resu-o namen dingtangrikaniko nikna man·a ine Pa Ymbon parakataha.

Khasi-Jaintia Hills a·jaona rel ra·napbaaniko NGO-rangni jegalsoengani gimin sing·anina aganpana gita jechakangengon, Pa Ymbon, a·palchini manderang skatang napbaaniko champengsona gita a·a·doko Inner Line Permit-ko ra·gatna gita ma·mongo mol·molenba a·dok sorkari, official resolution-ko ra·gatmanaha, da·ode ma·mong sorkarini jakosaha ine talataniko on·angaha.

Iakoba poraie nina man·gen: Sikkim-ni skotong minister, na·gilni chi jokprake a·sel ong·ani sal 19 ja·man Chungthang-ona re·anga

Watch