Shillong, May 28: Remal balminduri ong•achi salgro salaram jolrango bang•en nosto ong•atako man•tokaha. Indake, Meghalaya a•dokni dingtang dingtang bakrangoba, bang•en a•arang ruaha, chi banna re•ani ong•aha, bang•an saknaatako man•aha aro saksa mandeni janggiko gimaatna nangao ga•akaha.

Sutnga Weilong-o jimbegipa mikka baksan ta•rakgipa balwa baldapani a•selo, nok te•sa be•gropaha jeni a•selan, bilsi 26 ong•gipa me•asani janggiko gimaataha aro gipin sakgni manderangko bilongbee saknaatako man•aha.

Mawkynroh Bypass-o da•al pringni 4:00 bajimango a•a ruaha jeni a•selan sak 4 manderang saknaatako man•aha aro uamangko sanna bannaniko dakna gita NEIGRIHMS hospitalona ra•angaha.

Una agreba, Nonglang, Rangmaw, Lad-dommawiong, Sohdyniang aro Diwian Mawiong songrangni bang•a nokrangko, balminduri baksa jimbegipa mikka waani aro ta•rakgipa balwarangni a•selo nosto ong•atako man•aha aro bang•a ramarangko bolrang be•anichi champengataniko man•tokaha.

Indake ong•engon, naljokatgipa dolrang ramao tin•kae ba chimonge dongenggipa jabolrangko galrokna aro neng•nikaniko man•enggiparangna dakchakaniko on•a a•bachengataha.

Indake, Guwahati-oni Shillongona re•gipa National Highway ramaoba a•dubek rudapahachim, indake ong•genchimoba, Nongpoh Police Station aro NHAI-ni authority-rang NH-06 ramao chimonge dongenggipa a•dubekrangko galna man•aha aro garirang maming neng•nikani grian re•a doaniko daknaba man•engaha.

West Khasi Hills a•jao, Kynshi chibima rang•sanan dal•bàaha jeni a•selan, ua jolo chi banna re•ani ong•skaaha aro ua songo dongenggipa manderangna bang•a neng•nikanirangko ra•baaha.

Garo Hills a•jaoba, Babupara-o a•a ruaha. Ia a•sel ong•anio rasong gnangbee darangba saknaatakode man•jaha, indake ong•genchimoba adita gamrang nosto ong•atako man•skaaha. Indake, New Tura-ni ramao bol be•dapani a•sel, garirangni re•a doanirang champengatako man•aha, indiba adita kontarangni jamano, jako ra•e kam ka•enggipa Department-rang be•gimin bolko ra•galaha aro uni jamano maming neng•nika grian garirangba re•a doaniko dakna man•engaha.

Na·simang ia video-koba nina man·gen: 

Na·simang iakoba poraina man·gen: South Kamrup-o gimaangenggipa chipu nokmako jokata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub