Aizawl, May 28: Remal balminduri ong•anichi Mizoram a•dokni bang•a bakrangon nosto ong•atako man•aha. Jimbegipa mikka waanichi aro ta•rakbegipa balwa balanichi a•jani bang•bata bakrangon nisigalako man•tokaha.
Indake, Mizoram a•dokni dal•batsranggipa aro rika cho•ani kamrango mongsong ong•e jakkalgipa ro•ong quarry be•gruatako man•aha.
Ua jolo donggiparangni aro mikrongtangchi ia quarry-ni be•gruaniko nikgiparangni aganani gita de, ua be•grugipa quarry-o bang•a kam ka•e cha•enggiparang jachangakon ine chanchichipenga, maina ia a•sel ong•ani somoio bang•a kam ka•e cha•enggiparangan ia quarry-ni ning•o dongachim.
Indake ong•engon, National Disaster Response Force (NDRF) dolrang, bakan naljokatna kamko ka•na a•bachengataha.
Una agreba, Aizawl-o donggipa uamangni gopramkoba dondikpilgija jimbee mikkarang waanichi be•gruataha aro adita gopramrangko ta•rakgipa chirangchi man•pakangaha. Ia gopram, uamangni ripinge donbagipa biapba ong•achim aro uamangni ma•gitcham pagitchamrangni gopramrangko chi man•pakangahanina bang•a nokdangni manderangna duknikoba ra•baskaaha.
Unbaksanaba, re•a doanirango aro connectivity ba network jakkalanioba uamangna bilongen neng•nikaniko ra•baaha. Mizoram-ni damsa mangmang donggipa airport, Lengpui Airport-ona mongsong re•enggipa rama, a•a rudapani a•selo dongpengako man•aha.
Ia ramako a•a rudapanichi nangchongmotgipa bosturangko salruraanio champengataniko man•engaha. Ia ramao tin•kae dongenggipa jabolrangko ra•galna jotton ka•begenchimoba, chu•gimik rongtalaniko dakna adita salrang nangnaba donga ine nikna man•a.
Na·simang iakoba poraina man·gen: South Kamrup-o gimaangenggipa chipu nokmako jokata
WATCH:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
