Jowai, April 19: State reservation policy aro roster system-ni bidingo jinma chanchirimna gita Budbar salo, Voice of the People’s Party (VPP)-ni jinma tom•bimonganiko Jowai-ni Iawmusiang-o ong•atangaha aro ia tom•aniko VPP-ni president aro Nongkrem constituency-ni MLA Ardent Miller Basaiawmoit dilangaha.
Ia tom•anio VPP-ni president, jinmana aganprakengon, roster system-ni bidingo chanchirimna gita VPP, Assembly-ni special session-ko ong•atchina dabiahachim indiba ia dabianiko sorkari jegalaha ine parakataha.
Reservation policy-ko nipiltaichina aro iana dingtangmancha committee-ko songchina VPP dabiangkugen ineba ua ia tom•anio parakataha.
Meghalaya a•dokni mongsonggipa jatgittamo manderangni jelbra jelsuanio pangchake da•o ja•rikenggipa Reservation Policy-ara kraani ong•jaengani gimin da•o dipet roster system-ni ning•o kamo ra•aniko dontongchengna nanga ineba VPP-ni president aganaha.
Reservation policy-ni bidingo Khasi aro Jaintia Hills-ni sak 36 MLA-rang, ku•cholsan ong•e ja•kuko de•na nanga ineba Basaiawmoit aganaha.
Iakoba poraie nina man·gen: Laitumkhrah Parish parking lot-niko gari cha·una jotton ka·a
