Tura, March 19: Re·baenggipa Lok Sabha elesino pangchake, Systematic Voters’ Education and Electoral Participation (SVEEP) Programme-ni gita manderangna u·ia-masianiko on·na aro kra-bewalo candidateko baseani bidingoba West Garo Hillsni District Election Officer Jagdish Chelani tom·aniko Turani DRDA Conference Hall-o ong·ataha.
SVEEP-ni gita dingtang dingtang programrangko re·baenggipa salrango ong·ate eleksino pu·onanio pangchakgipa ma·manti kamrangni bidingo manderangna talataniko on·anggen aro BLOrang nokantichi re·e sing·na nangarangko sing·e ra·an baksa agan-talatanirangko dakgen ine West Garo Hillsni Election incharge Nipon Hajong u·iataha.
Re·anggipa changni eleksiono Chandmari aro Fancy Valley polling stationrango bang·gija manderangsan pu·ontokaha, uni gimin, ua biaprangko ia changode bang·bata manderangko sokbaatna mai maiba cholrangko dakgen ineba ua aganaha.
Eleksino maming namgija kamrang bringija, nama bewalo susaenggipa candidaterangko seokania bilakgipa democracyko ong·atna nanggipa bewalrangoni mingsa ong·a, uni gimin, pu·onna man·gipa sakantian nama bewalo pu·onna miksongsona nangani bidingo DEO dingtangmancha aganaha.
Na·simang iakoba poraina man·gen: Tura urban areani ning•o donggipa pilak AAY, PHH, Non-NFSA-ni merongrangko watataha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
