Nongpoh, Feb 11: Mongolbar pringo, Assam Rifles-ni Director General-ko re•dilangenggipa gari bolsa, dud palgipa budepa saksako, Ri Bhoi a•jani Nongpoh-o donggipa DC office sambao salpakaha aro gari salpakako man•e ia budepa sina gita nangaha.
Koborko on•ani gitade, Mongolbar pringo, Assam Rifles-ni Director General-ko Guwahati Airport-ona escort ka•angenggipa ML-05Y 3232 gari, Shangbangla songni bilsi 69 ong•gipa Bahadur Sunar-ko, uni cycle-o ramako re•sotna jotton ka•engmiting somoio salpakaha. Ia budepako salpakani ja•man Assam Rifles-ni gari, rama jangchio pekwatna tarigipaoba su•gakaha aro mikkangni tyre rongsa bretaha.
Saknaa man•gipa mandeko bakan sanna gita Nongpoh Civil Hospital-ona ra•angaha indiba uni saknaanirang bilongahani gimin uko nambate sanna Shillong-ona wataton, ua Shillong songjinmani North Eastern Indira Gandhi Regional Institute of Health & Medical Sciences (NEIGRIGHMS)-o janggi galaiaha.
Da•o dipet ia a•selni bidingo FIR ka•a dongkuja ine police-rang u•iataha.
Na·simang ia video-koba nina man·gen:
Na·simang iakoba poraina man·gen: Meghalaya Food Safety Department, Shillong songjinmani ramasamo dokkan dakgiparangko nirokea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
