Nongpoh, Nov 21: Bristibar salo, Ri Bhoi a•jani ning•o donggipa Patharkhmah Police Station-ni police-rang, Jirang jolo donggipa Umkhawai songni Melan Syngkli minggipa mande saksako, a•song tarigipa licence gri pistol pongsa baksa rim•na man•aha.

Ri Bhoi a•jani SP Jagpal Singh Dhanoa-ni u•iatani gitade, re•anggipa November-ni 18 tarik walni 11 aro 12 bajimangni gisepo, Melan Syngkli minggipa mande saksa, Suntosh Marbaniang minggipa mandeni nokona re•angenba, Balwan Mawthoh minggipa mandeko so•otna pistol mesoke ka•mikkenataha ine police-rang, Umkhawa songni saksa Tarmal Mawthoh minggipa mandeni seatgipa chittiko man•soaha.

Iani bidingo police-rangna u•iatgenchimode ua, Santhosh Marbaniang aro uni niogipa Twilen Mawthoh-koba an•tangni pistol-chi so•otna ka•mikkenataha ineba SP parakataha.
Indake ong•engon, iani bidingo police-rang ta•raken am•sandianirangko dakna a•bachengataha aro matnanga man•gipa Melan Syngkli-ko rim•enba uoniko pistol pongsa aro guli rongbriko man•aha ine Ri Bhoi a•jani SP parakataha.

Na·simang ia video-koba nina man·gen: 

Na·simang iakoba poraina man·gen: Manipur-ni me•chikma saksa bi•sa an•pakani salo setangko gimaata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub