Shillong, Jan 28: ‘Threads of Heritage: Exploring Traditional Textiles and Natural Fibres,’ ine pangchakaniko done, Ri Bhoi a•jao Central Agricultural University (Imphal)-ni ning•o donggipa College of Commmunity Science (CCS)-o ong•atenggipa National Symposium-o Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia tom•bimonganio a•dokni Chief Minister, jinmana aganprakangengon, ba•ra dokani bidingo janapangenba, ian ba•ra kancharangko tarianisan ong•ja indiba jatni daka rikani aro itihasko mesokani ong•a ine parakangaha.
Ba•ra dokaniara Meghalaya a•doko songdongenggipa dingtang dingtang jatrangni daka rikanio nangchakegipa ong•a ine janapatengon, ba•rako dokengon, uan chol ba•rarangko tariasan ong•jaenga indiba kilding dingantichin jatni daka rikani aro itihaskosa tarienga ine Chief Minister aganaha.
Ba•ra dokaniko ua Khasi aro Jaintiarangni tanggipa bol ja•dilrangchi tarie ripingenggipa jal•langrang baksaba tosusae aganangaha aro ia jal•langrang gitan dingtang dingtang jatrangni dokenggipa ba•ra kancharangba dingtang dingtang jatrangni changa sapani aro u•i-ma•sianiko mesokani ong•a ine parakangaha.
Meghalaya a•doko wa•a, te•rik, eri kilding aro uandakgipa ma•manti bosturangko bang•en man•aia ine janapatskaengon, iandakgipa bosturangchi jakni kamko ka•enggiparang aro bading chiwalenggipa manderang, janggi tangani cholrangkoba tarie ra•na man•a ine Chief Minister aganaha.
Meghalaya a•doko ba•ra dokgiparang aro dingtang dingtang jakni kamrangko ka•e cha•giparang pilakan changgipa sapgiparang ong•a indiba uamang, a•gilsakni gipin biaprang baksa susaanio, namgipa ostrorangko nangani gimin sorkari, uamangna pilak nanga dakchakanirangko on•na jotton ka•enga ineba Chief Minister, ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: UCC-ko a•song gimikon ra•gatengani gimin Assam a•dokoba ru•utgijan ra•gatgen: Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
