Shillong, Apr 7: A•gilsakni gipin biaprango gitan Ri Bhoi a•jani Umeit Secondary School-oba Bristibar salo, World Health Day-ko maniangenba, manderangna an•seng baljoke dongani bidingo agan-talatanirangko on•angaha.

Ia World Health Day-ko manianio Umeit Secondary School-ni Principal D Kharbani, School Managing Committee-ni dilgiparang, chatro chatrirang aro ma•a paarangba dongpae bak ra•angaha.

Ia salko manianio dingtangmancha Class VI-oni Class IX-o poraienggipa chatro chatrirangna, skulrango bol chararangko dal•atna ra•gatgipa ‘School Nursery Yojana’-koba a•bachengate on•angjolaha.

Skul ge•antion bol chararangko ge•na man•na gita biaprangko donchina aro chatro chatri sakantikon bol ge•anio bak ra•china gitaba ia tom•anio skigiparang didiangaha.