Nongpoh, Oct 23: Ri Bhoi a·jani Kharsati Park-o bongagipa changna Adventurous Hynniewtrep Off Roaders (AHOR) dolni ong·atanggipa ‘4X4 Off-Road Challenges’ car rally tom·tome matchotangaha.

Ia ‘4X4 Off-Road Challenges’ car rally-ko salgittamna ong·atangaha aro ia car rally-o Meghalaya a·dokko man·chape salgro salaram jolo donggipa dingtang dingtang a·dokrangoni me·a aro me·chikrang, SS-I, SS-II, SS-III, SS-IV, SS-V aro night stage susaanirango bak ra·angtokaha.

Ia car rally-ko matchotatani somoio Ri Bhoi a·jani Additional Deputy Commissioner MB Tongper, William Hek, AHOR-ni president Damian Umdor, vice president Ferdynald K Kharkamni aro gipinrangba bak ra·angtokaha.

Ia car rally-ko matchotatanio Ri Bhoi a·jani ADC MB Tongper, jinmana aganprakengon, ia car rally-o chegiparangna an·tangni namgipa skaniko on·angenba, Ri Bhoi a·jao iandakgipa car rally-ko ong·atanina AHOR-ni membor-rangko mittelpilangaha.

Iakoba poraie nina man·gen: Chi banani ja·man North Sikkim-ona dakanggipa ramarangko taripilenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub