Guwahati, Apr 4: A•songni gipin a•dokrang gitan apsan, Guwahati-o donggipa bang•a Rongali Bihu Committee-rang aro Assamese manderangba Rongali Bihu manianiko manina tarisamsoanirangko dakengaha.
Batanggipa bilsirangoba, Chandmari Rongali Bihu Samitte sal-10 ni Bihu Dance Dhol Workshop-ko, Guwahati-ni Chandmari Engineering field-o ong•atangaha.
Ia workshop-ko ong•atani miksonganiara, Assamese ma•gitcham pagitchamrangni dakbewal rikbewalrangko, chasonggitalo ripinge rakkienba uarangko ja•rikna man•anian ong•achim.
Ia workshop-ko mongsongbate, Drimli Gogoi aro una dakchakpagipa sak 5 manderang dakdilenga aro sak 600 bi•sarang iano bakko ra•tokenga ine nikna man•a.
Bihu Sanmillan-ni General Secretary Simanta Thakuria, “Chandmari-ni Guwahati Bihu Samiti-ko bikotchengaoni bilsi 63 gapaha. Ia workshop-ko April 2 tarikoni 11 tarikona ong•atanggen, indake ia workshop-o sak 600 na batpile bi•sarang bakko ra•enga, aro unbaksana bang•a manderangan bakrimna re•baroroengani gimin sak 1000 mang gapna ka•dongsoenga. Ia workshop-ko ong•atanichi, gitalgipa chasongo, chadamberang Assam-ni chong•motgipa jatni dakbewal rikbewalrangko u•ienba uarangko ja•rikrorona gita man•gen” ine aganaha.
Una agreba, Bihu Dance trainer ba Bihu chrokaniko skie on•enggipa, Drimli Gogoi-ba, ia Bihu Dance Workshop-ko ong•ataniara gamchata ine aganan baksa, iandakgipa workshop-rangko ong•atanichi, gital chasongni chadamberang chong•motgipa Bihu-ko u•ina man•gen aro ian mingsa mela bazaar-san ong•aija, indiba uko manianiba ong•a. Je bi•sarangan chong•motgipa Bihu-ko u•ia, ua bi•sarang Bihu-ko ripinge rakkigen inenba aganaha.
Unbaksana, bang•a manderangan chong•mot Bihu chrok mesaaniko u•ikuja, indiba ia workshop-ko ong•atanichi ia pilakon skie ra•na man•a ine skie ra•giparangoni aganaha.
Na·simang ia video-koba nina man·gen:
Na·simang iakoba poraina man·gen: Jakkalgimin garirangko brena skang name am•sandichengchina mikrakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
